नेपालमे सेहो ४४म विश्व पर्यटन दिवस विभिन्न कार्यक्रमक आयोजन कए मनाओल जा रहल अछि

आइ २७ सितम्बर अर्थात ४४म पर्यटन दिवसके अवसरमे जनकपुरधाममे भोरका रैलीके आयोजना कएल गेल अछि । मधेश राज्य सरकारके नेतृत्वमे आयोजित रैलीमे जनकपुरधाम उपमहानगरपालिका, येती एयरलाइंस, बुद्ध एयरलाइंस तथा यहाँके विभिन्न संस्थागत विद्यालयसब अपन बैनरके साथ सहभागी भेल छल । पर्यटन आ हरित निवेश के नारा स जनकपुर रेलवे स्टेशन पर गाछ रोपलाक बाद भानु चौक आ शिव चौक स गुजरैत रैली जानकी मंदिर मे समाप्त भेल ।रैली के समापन कार्यक्रम के संबोधित करैत उद्योग, पर्यटन आ वाणिज्य मंत्री सुनीता यादव कहलनि जे, यद्यपि प्रदेश मे धार्मिक आ सांस्कृतिक पर्यटन के विशेष संभावना अछि, मुदा पूर्व मे संघीय सरकार के ध्यान नहि देला के कारण, एहि ठाम पर्यटन क विकास नहि भ सकल। हालांकि प्रांतीय सरकार धार्मिक आ सांस्कृतिक स्थान कए पर्यटन क्षेत्र क रूप मे विकसित करबा लेल डीपीआर कए आगू बढ़ेलक अछि, मुदा पर्याप्त बजट क अभाव मे कोनो खास प्रगति नहि भेल अछि । पर्यटन क्षेत्र के विकास के लेल प्रांतीय सरकार स बेसी बजट के आग्रह केलथि ओ कहलीह । एहि कार्यक्रम मे उद्योग, पर्यटन आ वाणिज्य राज्य मंत्री रहबर अंसारी, प्रदेश सांसद राम आशिष यादव सहभागिता छल ।