धनुषा- श्री सीताराम विवाह पंचमी पर्व के अवसर पर जनकपुरधाम में तीन दिन के लेल शराब आ माछ/मांस के बिक्री आ वितरण पर रोक लगा देल गेल अछि | जिल्ला प्रशासन कार्यालय धनुषा आइ सूचना जारी कए २८ नवम्बरके राति १२:०० बजेसँ १ जनवरीके १२:०० बजे धरि शराब आ माछ/मांसके बिक्री आ वितरण पर रोक लगा देने अछि ।
प्रशासनिक अधिकारी विश्वविजय शर्मा जानकारी देलनि जे जिला सुरक्षा समितिक बैसार मे सप्ताह भरि चलय बला विवाह पंचमी महोत्सव सुरक्षित, गरिमामय आ सौहार्दपूर्ण वातावरण मे मनाबय के ई निर्णय लेल गेल अछि।
मुख्य जिल्ला अधिकारी चक्रपाणी पाण्डेय कहलनि जे, एहि दौरान जनकपुरधाम के परिक्रमा क्षेत्र के भीतर आ परिक्रमा सड़क के दाहिना आ बामा कात शराब के बिक्री आ वितरण, पशु के सेवन, कसाई, माछ आ मांस के बिक्री आ वितरण पर रोक अछि . जिल्ला प्रशासन कार्यालय धनुषाके अनुसार निदेशकके पालन नै भेलापर प्रचलित कानूनके अनुसार कार्यवाही करल जाएत ।
