सत्ता साझेदार आ प्रतिपक्ष मे रहल मधेश केंद्रित विभिन्न आठ दल सभ द्वारा कार्यदल बनाओल गेल अछि। मोर्चा बनाबऽक उद्देश्य सँ गुरुवार कऽ दिन सिंहदरबार स्थित अन्तर्राष्ट्रिय सम्बन्ध समिति कऽ सभागार मे बैसकें आठ सदस्यीय कार्यदल बनाओल गेल।
बैठक मे जनता समाजवादी पार्टी (जसपा), जनता समाजवादी पार्टी (जसपा) नेपाल, जनमत पार्टी, नागरिक उन्मुक्ति पार्टी, लोकतांत्रिक समाजवादी पार्टी (लोसपा), राष्ट्रीय मुक्ति पार्टी नेपाल, जनता प्रगतिशील पार्टी आ तराई मधेश लोकतांत्रिक पार्टी (तमलोपा) सभ सहभागी छल।
कार्यदल मे जनता समाजवादी पार्टी (जसपा)कऽ इस्तियाक राई, जनमत पार्टीकऽ शरदसिंह यादव, जसपा नेपालकऽ मनिष सुमन, नागरिक उन्मुक्ति पार्टीकऽ गंगाराम चौधरी, लोसपाकऽ लक्ष्मणलाल कर्ण, राष्ट्रीय मुक्ति पार्टी नेपालकऽ केशव झा, जनता प्रगतिशीलकऽ शिवजी यादव आ तमलोपाकऽ ब्रजेस सिंह सहभागी छथि।
कार्यदल अवधारणा, एजेन्डा, मोडिलाटी आ आचारसंहिता कऽ संगहि समग्र राजनीतिक परिस्थितिक बारे मे दृष्टिकोण बनाओल जायत आ शीर्ष नेता सभक समक्ष प्रतिवेदन पेश करबाक कार्य करब। एहन जानकारी सदस्य केशव झा देलनि।
“ई अवधारणा तैयार करत, एजेन्डा तय करत आ मोडिलाटी आ आचारसंहिताक निर्माण करत,” ओ समाचारहबसँग कहलनि, “विशेष रूप सँ समग्र राजनीतिक परिस्थितिक बारे मे दृष्टिकोण बना कऽ शीर्ष नेता सभक समक्ष पेश करत।”
बैठक मे कार्यदल द्वारा शीर्ष नेता सभक लेल पेश कयल जाय वाला प्रतिवेदनक म्याद तय करबाक समय अबैत नहि। “कार्यदल द्वारा प्रतिवेदन कब तक बुझाओल जायत से म्याद तय नहि कैल गेल अछि,” नेता झा कहला, “जल्दिये तैयो कहि रहल अछि। कार्यदलक बैठक जखन होयत, तखन समय निश्चित कैल जाएत।”
बैठक मे जसपा सँ रेणु यादव, जनमत सँ शरदसिंह यादव, जसपा नेपाल सँ राजकिशोर यादव, रामकुमार शर्मा आ मनिष सुमन, नागरिक उन्मुक्ति सँ लालवीर चौधरी आ गंगा चौधरी सहभागी छलथि।
ताहि संग लोसपा सँ सर्वेन्द्रनाथ शुक्ल आ लक्ष्मणलाल कर्ण, राष्ट्रीय मुक्ति पार्टी नेपाल सँ रामनरेश राय, केशव झा आ सन्तोष मेहता, जनता प्रगतिशील सँ हृदयेश त्रिपाठी, शिवजी यादव आ सब्बिर हुसैन तथा तमलोपा सँ वृषेशचन्द्र लाल आ विजय सिंहक उपस्थिति छल।
