रंगभूमि मैदान में विश्व के सबस पैघ खाद्यान्न स भगवान राम आ सीता के स्वयंम्बर के छवि बनेबाक काज भ रहल

श्री सीता राम विवाह पंचमी महामहोत्सव के अवसर पर जनकपुरधाम के बारह बीघा रंगभूमि मैदान में विश्व के सबस पैघ खाद्यान्न स भगवान राम आ सीता के स्वयंम्बर के छवि बनेबाक काज भ रहल अछि | भगवान राम सीता के संग राजर्षि जनक आ विश्वामित्र के आकृति के निर्माण होयत। सबटा तस्वीर ११ हजार ११ वर्ग फीट के होबय वाला अछि. श्री सीताराम अनाज प्रतिमा निर्माण समिति के संयोजक आ जनकपुरधाम उद्योग वाणिज्य संघ के अध्यक्ष जितेन्द्र महासेठ खाद्यान्न स बनल आकृति के ऊंचाई १२१ फीट आ चौड़ाई ९१ फीट रहल जानकारी देलनि अछि। संयोजक महासेठ कहलनि जे, आकृति के निर्माण मे ११० प्रकार के भोजन के उपयोग होयत। एहि मे चलन, गहूम, सोयाबीन, चना, मुम्फली, मुंग, रहर दाल, मक्का, रहर दाल, मसूर दाल आ कारी उरीद के प्रयोग होयत।